Finlandiya Ukraynaya növbəti hərbi yardım paketi elan etdi

Olaylar bildirir ki, bu barədə məlumat ölkənin Müdafiə Nazirliyinin saytında yerləşdirilib.

Qeyd olunub ki, bununla da rəsmi Helsinkinin Ukraynaya göndərdiyi yardımın ümumi məbləği 2,3 milyard avroya çatıb.

Eyni zamanda, yükün təhlükəsiz çatdırılmasını təmin etmək və məxfilik prinsiplərini qorumaq məqsədilə hərbi paketə nələrin daxil olduğu açıqlanmayıb.

Bu arada, Finlandiyanın müdafiə naziri Antti Hyakkanenin sözlərinə görə, ölkə bundan sonra da Ukraynaya dəstəyini davam etdirəcək. (APA)