Bayden Trampı qorumaq üçün bütün resurslardan istifadə etməyi əmr edib
İnterpress.az xəbər verir ki, bu barədə Ağ Evin saytı məlumat yayıb. Bildirilir ki, hazırkı prezident Co Bayden hakimiyyətə siyasətçini qorumaq üçün bütün resurslardan istifadə etməyi tapşırıb.
Qeyd edək ki, bazar günü ABŞ prezidentliyinə namizəd Donald Tramp ikinci sui-qəsd cəhdinə məruz qalıb.
“Mənim komandam mənə məlumat verdi ki, federal hüquq-mühafizə orqanları bu gün keçmiş prezident Trampa qarşı mümkün sui-qəsd cəhdini araşdırır. Şübhəli şəxs həbsdədir”, – Bayden deyib.
ABŞ prezidenti bildirib ki, o, Məxfi Xidməti və onların hüquq-mühafizə tərəfdaşlarını Amerikanın keçmiş prezidentinin və onun ətrafının təhlükəsizliyini təmin etmək üçün sayıqlıqlarına və səylərinə görə təqdir edir.
“Keçmiş prezidentə zərər verilmədiyi üçün şadam”, – Bayden vurğulayıb.
Bayden ABŞ-da siyasi və ya hər hansı zorakılığa yer olmadığını dəfələrlə dediyini vurğulayıb. Buna görə də o, Trampın müdafiəsini davam etdirməyi əmr edib.
“Mən öz komandama keçmiş prezidentin davamlı təhlükəsizliyini təmin etmək üçün lazım olan bütün resurslar, imkanlar və müdafiə vasitələri ilə Gizli Xidməti təmin etməyə davam etməyi tapşırmışam”, – deyə Ağ Evin hazırkı rəhbəri fikrini yekunlaşdırıb.
Xuraman Etibarlı
İnterpress.az
