Müəllif: Gülnar Əhmədli, Banco.az
Kral ailəsinin üzvlərinin çantalarında həmişə qara paltar daşımadan səyahət edə bilməyəcəyini və ya ailənin qadınlarının çölə çıxanda açıq ayaqqabı geyinə bilməyəcəyini bilirdinizmi? Əgər bu sizə qəribə gəlirsə, Britaniya kral ailəsinin xarici görünüşündə riayət etməli olduğu digər qaydaları eşidəndə daha da təəccüblənəcəksiniz:
1. İstədikləri zaman cins şalvar geyinə bilmirlər
Kral ailəsinin üzvləri yalnız təsadüfi tədbirlərdə iştirak edərkən cins şalvar geyinə bilərlər. Məsələn, Ketrin polo tədbirinə qatılanda cins şalvar geyinirdi. Onlara itlərini gəzdirərkən və ya gündəlik görünüş tələb edən başqa işlərlə məşğul olarkən cins şalvar geyinməyə icazə verilir.
2. Oğlanlar şortik geyinməlidirlər
Kral ailəsinin kiçik oğlanları yalnız müəyyən yaşa çatana qədər şort geyinə bilərlər. Amma onlar ən azı 8 yaşına qədər şortik geyinməlidirlər, bundan sonra şalvar geyinməyə icazə verilir. Bunun səbəbi olduqca maraqlıdır, çünki şalvar geyinmək kral ailəsi üçün “orta sinif” sayılır.
3. Həmişə özləri ilə qara paltar daşımalı olurlar
Kral ailəsi səyahətə çıxarkən çamadanlarında qara paltar daşımalıdır. Bunun səbəbi əslində olduqca kədərlidir. Ailə üzvlərindən biri gözlənilmədən vəfat edərsə, ona hazır olmaq lazımdır. Çünki II Elizabet 1952-ci ildə atasının ölümünü eşidəndə Keniyada idi və Londona qayıtdıqdan sonra təyyarədən enməzdən əvvəl ona yas paltarının çatdırılmasını gözləməli olmuşdu.
4. Önü açıq ayaqqabı geyinə bilməzlər
Burnu açıq ayaqqabılar kral ailəsi üçün qeyri-rəsmi parçalar hesab olunur. Ona görə də onlar ailəni təmsil etmək və ya rəsmi tədbirlərdə iştirak etmək üçün bayıra çıxanda həmişə qapalı ayaqqabı geyinməli olurlar.
5. Saçlarını boyaya bilmirlər
Kral ailəsi üzvlərinin saçları həmişə təbii olmalıdır. Ailə üzvünün saçlarını cəlbedici rəngə boyaması qəbuledilməzdir. Bundan əlavə, onların saçları həmişə təmiz və baxımlı olmalıdır.
