İddia edilən sui-qəsd sentyabrın 15-də Florida ştatının West Palm Beach şəhərində Respublikaçılar Partiyasından prezidentliyə namizəd Donald Trampa qarşı həyata keçirilib. Keçmiş Amerika prezidentinin sözlərinə görə, o, xəsarət almayıb və təhlükəsizdir.
Atışma keçmiş prezidentin qolf oynadığı qolf klubunun yaxınlığında baş verib.
Yüksək səviyyəli dövlət məmurlarının müdafiəsinə cavabdeh olan ABŞ Məxfi Xidmətinin əməkdaşı
klubun ərazisi yaxınlığında yerləşən şübhəli silahlı şəxsə atəş açıb.
Şübhəli əvvəlcə qaçmağı bacarıb və qolf klubunun yaxınlığındakı kolluqlarda gizlənib.
Daha sonra şübhəli şəxs saxlanılıb və hazırda həbsdədir.
Şübhəlinin gizləndiyi yerdə optik nişangahı olan “Kalaşnikov” avtomatı (AK-47), keramika lövhəli iki kürək çantası və hərəkət kamerası aşkar edilib.
Fox News-un məlumatına görə, hücum etdiyi iddia edilən şəxs avtomatın lüləsini qolf klubunun hasarından keçirib. Eyni zamanda o, Trampdan 270-450 m aralıda olub.
Tramp hadisə nəticəsində heç kimin xəsarət almadığını bildirib. Associated Press-in məlumatına görə, o, qolf klubundan təxminən 5 km aralıda yerləşən Mar-a-Laqodakı iqamətgahına qayıdıb.
FTB araşdırmaya başlayıb və hadisəni Trampa qarşı mümkün sui-qəsd cəhdi kimi qiymətləndirib.
Fox News kanalı mənbələrə istinadən xəbər verir ki, hüquq-mühafizə orqanlarının əməkdaşları şübhəlinin şəxsiyyətini müəyyənləşdiriblər - onun Rayan Uesli Rut olduğu üzə çıxıb.
2023-cü ildə Semafor nəşri Ryan Root adlı şəxsi "Ukraynada müharibədə kömək etmək istəyən əcnəbilərə yardım edən Beynəlxalq Könüllülər Mərkəzinin rəhbəri" kimi təqdim etdi. Portala müsahibəsində Rut Ukrayna Müdafiə Nazirliyinin nümayəndələri ilə görüşlər keçirdiyini bildirib.
ABC telekanalı mənbələrə istinadən xəbər verir ki, hüquq-mühafizə orqanlarının əməkdaşları Rutun Ukraynadakı münaqişə mövzusu ilə bağlı hər hansı narazılığının, xüsusən də “Trampın bu məsələdə mövqeyindən məyus olmasının” olub-olmadığını öyrənirlər.
Hadisə ilə bağlı Amerika lideri Co Bayden və ABŞ-ın vitse-prezidenti, Demokratların ən yüksək dövlət ofisinə namizəd Kamala Harrisə məlumat verilib.
Palm-Biç dairəsinin şerifi Rik Bradşou deyib ki, Tramp prezident olsaydı, onu daha yaxından qoruyacaqdı.
ABŞ prezident seçkilərinin keçmiş namizədi respublikaçı Vivek Ramasvami deyib ki, Məxfi Xidmət Trampı Bayden qədər qorumalıdır.
Nümayəndələr Palatasının üzvü Marjorie Taylor-Grin etiraf edib ki, sui-qəsddə şübhəli bilinən şəxs
Bayden Məxfi Xidmətə Trampı qorumaq üçün lazım olan hər şeyi təmin etməyi tapşırıb.
Harris deyib ki, Trampa qarşı sui-qəsd daha çox zorakılığa səbəb olmamalıdır.
Elon Mask qeyd edib ki, heç kim Bayden və Harrisə sui-qəsd etməyə cəhd etmir, halbuki Trampın həyatına artıq iki dəfə cəhd edilib.
Bu sui-qəsd ssenarisinin Rusiyanın xüsusi xidmət orqanları tərəfindən planlaşdırıldığı ehtimal edilir.
Əziz Mustafa
