Kaliforniya polisi Donald Trampın çıxış etdiyi yerin yaxınlığında əlində tapança və ov tüfəngi olan bir şəxsi saxlayıb.
Axar.az xəbər verir ki, bu barədə Kaliforniyanın Riversayd dairəsinin şerifi məlumat yayıb.
O bildirib ki, həbs edilən 49 yaşlı Vem Miller Trampa su-qəsd cəhdi etmək istəyində şübhəli bilinir.
Bu həbsin tədbirin keçirilməsinə heç bir təsir etmədiyi də vurğulanıb.
Maraqlıdır ki, Vem, fotoşəkillərə görə, Respublikaçılar Partiyasının tərəfdarıdır.
