AZ

Əli cibində robotlar... - Foto

Türkiyənin Düzce vilayətində mühərrik ustası Murat Çetin Paris-2024 Yay Olimpiya Oyunlarında atıcılıq yarışlarında əli cibində gümüş medal qazanan türkiyəli atıcı Yusuf Dikeçin duruşunu təkrarlayan iki robot hazırlayıb.

“Qafqazinfo” bu barədə “Anadolu” agentliyinə istinadən xəbər verir.

51 yaşlı ustanın sözlərinə görə, duruşu ilə məşhurlaşan Dikeçin robotlarının hazırlanması 13 gün çəkib.

Məlumata görə, Çetin robotları avtomobil tullantılarından yığıb. Çətin, hazır materiallara sahib olduğu üçün layihənin qısa vaxt apardığını bildirib.

Hər biri təxminən 400 kiloqram ağırlığında olan və iki min tullantı hissəsindən təşkil olunan Yusuf Dikeç robotları Çetinin sosial şəbəkədəki izləyiciləri və əsərlərini görməyə gələnlər tərəfindən bəyənilib.

Qeyd edək ki, Murat Çetin daha əvvəl boyu iki metrə çatan, çəkisi 400 kiloqram olan xəyali döyüş qəhrəmanları, motosikletlər və məşhur personajların maketlərini hazırlayıb və tullantılardan 100-ə yaxın sənət əsəri yaradıb. Onun əsərləri Ankara, İstanbul kimi böyük şəhərlərdə və Türkiyənin bir çox vilayətində sərgilənib.




Seçilən
12
6
news24.az

8Mənbələr