Bəli, Ermənistan silahlı qüvvələrdə islahatlar aparmağa başlayıb. Bu, Azərbaycanda elə müzakirə olunur ki, guya Ermənistan sülh istəmir.
Axar.az xəbər verir ki, bunu Ermənistanın Baş naziri Nikol Paşinyan Dünya Erməni Sammitində deyib.
O bildirib ki, ölkələr BMT Nizamnaməsinə uyğun olaraq öz təhlükəsizliklərini qorumaq üçün silah əldə edə bilər:
“Ermənistan bütün region ölkələrinin ərazi bütövlüyünü tanıyır, bizim heç bir ölkəyə ərazi iddiamız yoxdur. Bəli, bizim 200 kvadrat kilometrdən çox ərazimiz işğal olunub, lakin Ermənistan hökuməti bu ərazilərin hərbi yolla qaytarılması vəzifəsini qarşısına qoymur. Çünki Azərbaycanla imzalanmış demarkasiya işləri ilə bağlı əsasnamə bu problemi danışıqlarla həll edə biləcəyimizə imkan verir”.
