Livanda yenidən partlayışlar baş verib.
“Qafqazinfo” xəbər verir ki, bu barədə “Al Hadath” məlumat yayıb.
“Hizbullah hərəkatının üzvlərinin istifadə etdiyi rabitə cihazları partlayıb”, - məlumatda qeyd olunub.
Bildirilir ki, Livanın müxtəlif ərazilərində baş verən partlayışlarda təxminən 100 nəfər yaralanıb.
Livan mediası yazır ki, bu dəfə partladılan peycerlər deyil, noutbuklar, mobil telefonlar və avtomobil radiolarıdır. Partlayışlar yaşayış binalarında və mobil telefon mağazalarında da baş verir.
Xatırladaq ki, sentyabrın 17-də Beyrutda “Hizbullah” tərəfindən istifadə edilən portativ rabitə qurğuları anidən partladılıb. Ən son məlumatda hadisə nəticəsində 12 nəfərin öldüyü, 4 mindən çox insanın isə yaralandığı bildirilir.
***
Livanın şərqindəki Bekaa bölgəsində rabitə vasitələrinin partlaması nəticəsində 3 nəfər həlak olub.
