Belarusda hakimiyyəti ələ keçirməyə cəhddə ittiham olunanlar ölkə Prezidenti Aleksandr Lukaşenkonun helikopterini pulemyotla vuraraq məhv etməyi planlaşdırıblar.
Milli.Az axar.az-a istinadən xəbər verir ki, bunu Belarus-1 telekanalının yayımladığı "Qətl planı. Hədəf Lukaşenkodur" filmində iş üzrə müttəhimlərdən biri Yuri Zenkoviç deyib.
"Dövlət başçısının helikopterini ya havaya qalxanda, ya da enərkən pulemyotla vurmaq nəzərdə tutulurdu", - o bildirib.
Qeyd edək ki, 2022-ci il sentyabrın 5-də Minsk Vilayət Məhkəməsi Zenkoviçi Belarusda hakimiyyəti ələ keçirmək cəhdinə görə 11 il müddətinə azadlıqdan məhrum edib.
Milli.Az
Xəbərlərimizi WhatsApp kanalımızdan da oxuyun
