İctimai fəal Haldun Novruzzadə "MilliÖn", "E-manat" terminalları ilə bağlı müzakirələrə səbəb olan paylaşım edib.
Qlobal.net xəbər verir ki, H.Novruzzadə kredit ödəyən zaman əlavə komissiya haqqı tutulduğunu bildirib.
"Deməli, "MilliÖn", "E-manat" kimi aparatlar sentyabr ayından ödədiyiniz kreditlərdən bir faiz xidmət haqqı tutur. Məsələn, 2000 manat kredit ödəyirsinizsə, 20 manatını "MilliÖn" avtomatik çıxır. Bunu da qəbzdə göstərmir deyə sizin xəbəriniz olmur. Buna görə də əskik pul ödədiyiniz üçün adınız gecikməyə düşür", - deyə fəal bildirib.