"Fransa Ukraynanı silahla təmin etməyə davam edəcək və uzunmüddətli perspektivdə təhlükəsizliyin təmin olunmasına kömək edəcək".
Sfera.az xəbər verir ki, nunu Fransa prezidenti Emmanuel Makron BMT Baş Assambleyasının Nyu-Yorkda keçirilən 79-cu sessiyasındakı çıxışında bildirib.
“Fransa Ukraynanı silahla təmin etməyə davam edəcək. Bu, ukraynalıların müqavimətini dəstəkləyəcək və onlara uzunmüddətli perspektivdə təhlükəsizliyi təmin etməyə kömək edəcək”, - Fransa prezidenti qeyd edib.
Makron vurğulayıb ki, Qərb ölkələrinin ortaq marağı Ukraynanın öz hüquqlarının mümkün qədər tez bərpa olunmasıdır. Fransa lideri həmçinin uzunmüddətli sülhün qurulmasına çağırıb.
Öz növbəsində Rusiyanın BMT- dəki daimi nümayəndəsi Vasili Nebenzya BMT Baş Assambleyasının iclasında bildirib ki, Rusiya Qərbdən silah tədarükünə baxmayaraq, Ukrayna Silahlı Qüvvələrini “məğlubiyyət astanasına” qoyub.
İnci
Sfera.az
