Payız və qışın ən çox sevilən meyvələrindən biri olan nar sağlam həyat sürmək və xəstəlikləri sağaltmaq üçün həmişə yeyilməlidir.
Turkustan.az nar və nar suyunun faydalarını təqdim edir:
Narda zəngin kalium, maqnezium və fol turşusu, həmçinin B5, B6, C və E, C, B1 və B2 vitaminləri var. Nar demək olar ki, bütün məlum antioksidanları ehtiva etməsi ilə məşhurdur.
Nar həm də liflə çox zəngindir. 1 stəkan nar dənəsində 7 qram lif var ki, bu da çox yüksəkdir. Lifli qidaların insanı uzun müddət tox tutduğu, aclığın qarşısını aldığı, arıqlamada təsirli olduğu bir çox elmi araşdırmalarda bildirilib.
Narın tərkibində bol miqdarda C vitamini, polifenol, dəmir, kalium var və immunitet sistemini gücləndirir. Bundan əlavə, xolesterin və şəkəri tarazlaşdıran nar xərçəng hüceyrələrinin inkişafının qarşısını alır və ürək sağlamlığını qorumağa kömək edir.
“MedlinePlus” Tibb Ensiklopediyasında nar şirəsinin piylənmənin müalicəsində istifadə oluna biləcəyi və arıqlamağa kömək etdiyi barədə məlumat qeyd olunub.
ABŞ Kənd Təsərrüfatı Nazirliyi 1 stəkan nar suyunda 139 kalori olduğunu bildirib. 100 qram nar 83 kaloridir. Nar çəkiyə nəzarət etmək üçün gündəlik qida rasionuna daxil edilə bilər.
Təxminən bir stəkan nar suyu gündəlik C vitamini ehtiyacımızın 25%-ni qarşılayır. Qurani-Kərimdə adı çəkildiyi üçün xalq arasında “Cənnət meyvəsi” də adlandırılan nar hər gün istehlak edildikdə yorğunluğu götürür və bədənə canlılıq verir.
Nar suyunun faydaları
Narın faydalarından əlavə nar suyunun insan sağlamlığı üçün faydaları çox xüsusi yer tutur.
Nar şirəsinin faydalarını qısaca sadalasaq:
- Qrip viruslarını məhv etmək qabiliyyətinə malikdir, qrip infeksiyalarına qarşı çox təsirlidir.
- Tərkibindəki antioksidantlar sayəsində qanda oksidləşmənin qarşısını alır.
- Nar ekstraktı antibiotiklərlə birlikdə istifadə edildikdə davamlı bakteriyaları da öldürə bilər.
- Ürək və damar sağlamlığının qorunmasını təmin edir. Damar tıxanmasına qarşı profilaktik təsir göstərir.
- Xərçəngin yayılmasını azaldır və xərçəng hüceyrələrini öldürmək qabiliyyətinə malikdir.
- Xolesterol və şəkəri balanslaşdırır.
- Qan əmələ gətirən xüsusiyyətlərə malikdir.
- Kişilərdə sperma əmələ gətirmə xüsusiyyətinə malikdir və canlılığı artırır.
- Revmatizm və oynaq ağrıları olan bölgələrə tətbiq edildikdə ağrıkəsici təsiri olur.
- Nar suyu huşunu itirməyə qarşı içilə bilər.
- Bağırsaq parazitlərini öldürür və yaxşı bakteriyaları artırır./Yenisabah.az/
