Sentyabrın 29-na keçən gecə “İnter Mayami” və “Şarlotte ” komandaları arasında MLS müntəzəm çempionatında növbəti turun oyunu keçirilib .
Publika.az xəbər verir ki, oyun 1:1 hesabı ilə yekunlaşıb. “İnter Mayami” son dəqiqələrdə qələbə əldə edə bilərdi. Amma rəqib qapıçı Luis Suaresin ayağına zərbə endirərək onun qolvurmasının qarşısını alıb.
Matçda “İnter Mayami”nin qolunu vuran Lionel Messi bu epizod üçün penalti tələb edib.
Oyun başa çatdıqdan sonra Leo baş hakimə yaxınlaşaraq deyib: “Sən dəhşətlisən. Sən çox dəhşətlisən. Sən əclaf oğlu əclafsan”. Hakim əfsanəni sarı vərəqə ilə cəzalandırıb.
