"Liverpul"un hücumçusu Məhəmməd Salah Çempionlar Liqasında yeni rekorda imza atıb.
Fanat.Az "Opta"-ya istinadən xəbər verir ki, misirli forvard buna Liqa mərhələsinin II turunun “Bolonya” ilə matçında qol sevinci yaşamaqla nail olub.
“Liverpul”un oyunçusu Avropanın nüfuzlu klub turnirində ən çox qol vuran afrikalı adını qazanıb. O, Çempionlar Liqasında vurduğu qolların sayını 45-ə çatdırıb.
Salah hesabında 44 top olan Didye Droqbanı arxada qoyub. “Üçlüy”ü 30 dəfə fərqlənən kamerunlu Samuel Etoo qapayır.
Qeyd edək ki, “Liverpul” “Bolonya”nı 2:0 hesabı ilə məğlub edib.
