İranın İsrailə cavab hücumu zamanı ərazisinə xeyli raketin düşdüyü İordaniya təşviş içindədir.
Publika.az xəbər verir ki, İranın raketlərinin ölkənin hava məkanını pozması ilə bağlı açıqlamalar verən xarici işlər naziri Ayman Safadi Tehran və Təl-Əviv administrasiyalarına xəbərdarlıq edib.
Safadi İngiltərə Xarici İşlər Naziri David Lammy ilə telefon danışığında "İordaniya heç kimin döyüş bölgəsi olmayacaq" deyib.
O, İordaniyanın təhlükəsizliyini və sabitliyini poza biləcək hər hansı təhdidə qarşı bütün imkanları ilə müdafiə olunacaqlarını bildirib: “Biz özümüzü hər cür təhdiddən müdafiə edəcəyik. İordaniya bu münasibəti İran və İsrailə açıq şəkildə çatdırdı”.
