ABŞ prezidenti Co Bayden “Helene” qasırğasından ən çox zərər çəkən Şimali Karolina və Cənubi Karolina ştatlarına səfər edib və regionların ən qısa zamanda bərpa olunacağına söz verib.
Bakıvaxtı.az ABŞ mediasına istinadla xəbər verir ki, ABŞ prezidenti Bayden ölkənin cənub-şərq bölgələrinə təsir edən və böyük fəsadlar törədən “Helen” qasırğasından sonra iki ştata baş çəkib və təftiş edib.
70-dən çox insanın həyatını itirdiyi Cənubi Karolina və Şimali Karolinada təmaslar zamanı yerində yoxlamalar aparan Bayden qasırğanın fəsadlar törətdiyi yerlərdə bütün federal və əyalət qüvvələrinin Amerika xalqının yanında olduğunu bildirib.
Dərhal 1000 əsgərin bölgəyə göndərilməsi əmrini verdiyini və büdcədən lazım olan bütün dəstəyin tez bir zamanda köçürüləcəyini vurğulayan Bayden təbii fəlakətdən zərər çəkmiş bölgələri ən qısa zamanda bərpa edəcəyinə söz verib.
ABŞ-nin vitse-prezidenti Kəmalə Harris qasırğadan təsirlənmiş Corciya ştatı ilə əlaqə saxlayıb.
Əli Hüseynov
