Bu gün futbol üzrə Azərbaycan çempionatında (Premyer Liqa) 2024/2025-ci illər mövsümünün 9-cu turuna start veriləcək.
Arena.az xəbər verir ki, birinci dövrənin sonuncu turunun ilk oyun günündə bir qarşılaşma baş tutacaq.
Turun açılış matçında mövsümə uğursuz başlamış iki komanda – “Kəpəz” ilə “Neftçi” qarşılaşacaq. Sözügedən komandalar Tovuz şəhər stadionunda üz-üzə gələcəklər.
“Kəpəz” bu gün Premyer Liqanın cari mövsümündə ilk xalını, “Neftçi” isə ilk qələbəsini qazanmağa çalışacaq. Əvvəlki oyunlarının hamısında uduzmuş Gəncə təmsilçisi xalsızdır və sonuncu pillədə qərarlaşıb. Qələbəyə həsrət qalmış “Neftçi” isə 5 heç-heçəsi sayəsində topladığı 5 xalla 8-ci sıradadır.
Bu, “Kəpəz”lə “Neftçi”nin Premyer Liqada yubiley – 60-cı görüşü olacaq. Əvvəlki 59 oyunda gəncəlilər 19, bakılılar 29 qələbəyə seviniblər, 11 görüş bərabərliklə başa çatıb. Son iki oyunda 6 qol vurulub. “Neftçi” son 3 matçda uduzmayıb.
Qeyd edək ki, 9-cu turun qalan oyunları oktyabrın 5-də və 6-da keçiriləcək.
Premyer Liqa
9-cu tur
4 oktyabr
“Kəpəz” – “Neftçi”
Hakimlər: Rəşad Əhmədov, Vüsal Məmmədov, Zöhrab Abbasov, Əli Əliyev.
VAR: Nicat İsmayıllı.
AVAR: Teymur Teymurov.
Hakim-inspektor: Əmrah İbrahimov.
AFFA nümayəndəsi: Eldəniz Musayev.
Tovuz şəhər stadionu, 17:00.
5 oktyabr
“Səbail” – “Şamaxı”
Hakimlər: Əliyar Ağayev, Zeynal Zeynalov, Akif Əmirəli, Elvin Bayramov.
VAR: İnqilab Məmmədov.
AVAR: Namik Hüseynov.
Hakim-inspektor: İmanxan Sultani.
AFFA nümayəndəsi: Kifayət Mustafayeva.
“Bayıl Arena”, 17:00.
“Sabah” – “Araz-Naxçıvan”
Hakimlər: Cavid Cəlilov, Kamran Bayramov, Müslüm Əliyev, Rauf Allahverdiyev.
VAR: Rauf Cabbarov.
AVAR: Rəhman İmami.
Hakim-inspektor: Rəhim Həsənov.
AFFA nümayəndəsi: Zümrüd Ağayeva.
“Masazır Arena”, 19:30.
6 oktyabr
“Turan Tovuz” – “Zirə”
Hakimlər: Rəvan Həmzəzadə, Cəmil Quliyev, Şirmamed Mamedov, Əkbər Əhmədov.
VAR: İnqilab Məmmədov.
AVAR: Namik Hüseynov.
Hakim-inspektor: Babək Quliyev.
AFFA nümayəndəsi: Erkin Hüseynov.
Tovuz şəhər stadionu, 17:45.
“Sumqayıt” – “Qarabağ”
Hakimlər: Elçin Məsiyev, Elşad Abdullayev, Pərvin Talıbov, Kamran Əliyev.
VAR: Tural Qurbanov.
AVAR: Eyyub İbrahimov.
Hakim-inspektor: Asim Xudiyev.
AFFA nümayəndəsi: Azər Əsgərov.
Mehdi Hüseynzadə adına Sumqayıt şəhər stadionu, 20:00.
