Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Gəncə terroru ilə bağlı paylaşım edib.
“Qafqazinfo” xəbər verir ki, H.Hacıyevin “X” hesabında edilən paylaşımda deyilir:
“2020-ci il oktyabrın 4-də Azərbaycanın Gəncə şəhəri və onun mülki əhalisi Ermənistan tərəfindən atılan “Scud” ballistik raketləri ilə vurulub. Bu, İkinci Dünya müharibəsindən sonra Avropada ballistik raketlərdən istifadə ilə bağlı ilk hal idi. Məqsəd mülki əhali arasında kütləvi qətl və terror törətmək idi”.
