Tədqiqatçılar Qolfstrim cərəyanının iqlim dəyişikliyinə çox həssas olduğunu aşkar ediblər.
Lent.az xəbər verir ki, aparılan araşdırmalar göstərir ki, temperaturun yüksəlməsi okean axınlarını çökdürə və Avropanı dondura bilər.
London Universitetinin tədqiqatçıları kəşf ediblər ki, isti su axını olan Qolfstrim iqlim dəyişikliklərinə xüsusilə həssasdır. Belə ki, qlobal istiləşmə Avropada temperaturu 15°C-ə qədər aşağı sala bilən Qolfstrimin dağılmasına səbəb ola bilər.
Qeyd edək ki, Qolfstrim Şimali Amerikanın şərq sahillərinə qədər axan və Atlantik okeanını keçərək Avropaya gedən isti su axınıdır.
Bu cərəyan Avropaya çatdığı zaman, istilik enerjisini atmosferə buraxır və Avropanın temperaturunu olması lazım olduğundan daha yüksək saxlayır.
Tədqiqatçılar yeni texnologiyadan istifadə edərək, Qolfstrimin indiki ilə müqayisədə keçmişdə iki dəfə dərin və iki dəfə sürətli olduğunu hesablayıblar.
Tədqiqatçılar bunun nə qədər böyük təsir göstərəcəyinə əmin olmasalar da, Qolfstrimin tamamilə çökməsi ehtimalı olmayan halda, Avropada temperaturun 10 ilə 15°C arasında düşə biləcəyi bildirilir.
Bu isə xüsusilə qış aylarında temperaturun sıfırdan yuxarı qalxmayacağını göstərir.
