ABŞ-da Respublikaçılar Partiyasından prezidentliyə namizəd Donald Tramp İsrailin İranın nüvə obyektlərinə zərbə endirə biləcəyini açıqlayıb.
Publika.az xəbər verir ki, Tramp bunu Şimali Karolina ştatında seçicilərlə görüşündə çıxışı zamanı deyib.
"Düşünürəm ki, Bayden səhv edir. Sizin vurmaq istədiyiniz hədəf bu deyilmi? Nüvə silahları ən böyük riskdir", - deyə Tramp bildirib.
O qeyd edib ki, Bayden ona verilən suala məhz belə cavab verməli idi: “Əvvəlcə nüvə obyektlərini vurun və sonra digər məsələlər üçün narahat olun".
