Fransada Marin Le Penin qardaşı qızı, Avropa Parlamentinin deputatı Marion Mareşal, öz partiyasını yaratdığını elan edib.
“İki sahil” xəbər verir ki, onun yaratdığı partiya Jordan Bardellin “Milli Birlik” və Erik Skiottinin “Respublika Uğrunda Sağçılar Birliyi” ilə strukturlaşdırılmış koalisiyada işləyəcək. Mareşal “Figaro”ya verdiyi müsahibədə yeni partiyanın “Şəxsiyyət və Azadlıq” adlanacağını, həddindən artıq liberalizm və asılılıq mədəniyyətinə qarşı çıxan , həmçinin mental sosializmdən qopmaq istəyən sağın səsinə çevriləcəyini bildirib.
