Albaniyanın müxtəlif şəhərlərindən paytaxt Tiranaya gələn nümayişçilər Baş nazirlik binası qarşısına toplaşıb. Baş nazirliyin qarşısından başlayaraq paytaxt küçələri ilə yürüş edən etirazçılar parlament, Daxili İşlər Nazirliyi, Tirana Bələdiyyəsi və hakim Sosialist Partiyasının  binası qarşısından keçərək etirazlarını davam etdiriblər.   Manset.az bu barədə xarici mediaya istinadən xəbər verir. Baş nazirlik başda olmaqla müxtəlif qurumlara molotof kokteyli və tüstü bombası atan nümayişçilər ilə təhlükəsizlik qüvvələri arasında dava düşüb. Bir neçə saat davam edən aksiyada polis gözyaşardıcı qazdan istifadə edərək nümayişçiləri dağıdıb. Nümayişçilər qurumların qarşısındakı məhəccərlərə, avtobus dayanacaqlarına, zibil qutularına və binalara ziyan vurub Yüzlərlə polisin iştirak etdiyi nümayiş zamanı bəzi yollar nəqliyyata bağlanıb.

• Albaniya
• Baş Nazir
• Etirazlar
• Nümayişçilər
• Sosialist Partiyası
• Tirana