Türkiyə hakimiyyəti qanunu pozan məzmunun mövcudluğuna görə "Discord" messencerinə girişi bloklayıb.
"Operativ Məlumat Mərkəzi-OMM" xəbər verir ki, bunu Türkiyənin Ədliyyə Nazirliyinin rəhbəri Yılmaz Tunç X sosial şəbəkəsində yazıb.
"Ankara Baş Prokurorluğunun tələbi ilə Ankara 1-ci Cəza Məhkəməsi qanunun internetdə dərc olunan nəşrlərin tənzimlənməsi və bu nəşrlər vasitəsilə törədilən cinayətlərlə mübarizə haqqında maddəsinin müddəalarına uyğun olaraq "Discord" sosial şəbəkəsinin qadağan edilməsi barədə qərar qəbul edib", - deyə nazir bildirib.
