Rusiya prezidenti Vladimir Putin çərşənbə günü, oktyabrın 9-da Belarus lideri Aleksandr Lukaşenkoya Rusiyanın ən yüksək dövlət mükafatını - "Müqəddəs Endryu Birinci Apostol" ordenini təqdim edib.
Qaziler.az bildirir ki, bu barədə izvestiya xəbər verir.
“Hörmətli Aleksandr Qriqoryeviç, sizi Rusiyanın ali mükafatı almaq münasibətilə səmimi qəlbdən təbrik edir, cansağlığı və dövlət fəaliyyətinizdə gələcək uğurlar arzulayıram”, - bunu Rusiya prezidenti təqdimat mərasimindən əvvəl deyib.
O, həmçinin Belarus xalqına sülh və firavanlıq arzulayıb.
Mükafat Rusiya ilə Belarusiya arasında münasibətlərin, müttəfiqliklərin və strateji tərəfdaşlıq əlaqələrinin inkişafında müstəsna nailiyyətlərə, hər iki ölkənin xalqları arasında əlaqələrin möhkəmləndirilməsinə, habelə İttifaq dövlətinin yaradılmasına və səmərəli fəaliyyətinə böyük şəxsi töhfəsinə görə təqdim edilib.
QAZİLER.AZ
