"İran hakimiyyəti İsraildən hücum gözlədiyi bir şəraitdə Nüvə Silahlarının Yayılmaması haqqında Müqavilədən çıxmaq imkanını nəzərdən keçirir".
Qaziler.az RİA “Novosti”yə istinadla xəbər verir ki, bu barədə İran parlamentinin milli təhlükəsizlik və xarici siyasət komissiyasının üzvü Əlaəddin Borucerdi müsahibəsində deyib. Onun sözlərinə görə, hazırda bu məsələ ilə bağlı Milli Məclisdə ciddi müzakirələr gedir.
“Nüvə Silahlarının Yayılmamasına dair Müqavilədən (NSYM) çıxmaq variantının müzakirəsi əslində parlamentdə ciddi müzakirə mövzusudur. Deputatların belə bir qərarın qəbulu imkanlarını ciddi şəkildə nəzərdən keçirdiklərini deyən Borucerdi belə müzakirələrin Tehranın nüvə silahı yaratması demək olmadığını vurğulayıb.
QAZİLER.AZ
