İsrailin müdafiə naziri Yoav Qallant İsrailin İran üzərinə planlaşdırdığı hücumun “ölümcül, dəqiq və qəfil” olacağını bildirib.
Musavat.com bu barədə xarici mediaya istinadən xəbər verir.
Qallant: “Onlar nə olduğunu və necə olduğunu anlamayacaqlar,” - deyə, hərbi toplantıda qeyd edib.
Eyni zamanda, Tehranın ilk nüvə sınağını keçirdiyinə dair iddialar ortaya çıxıb və bu, regionda ciddi narahatlıqlara səbəb olub. İran isə bu iddiaları təkzib edib. İsrail ordusu Livanın cənubunda yüz minlərlə insanın təxliyə edilməsi üçün yeni əmrlər verib.
Musavat.com qeyd edir ki, son hadisələr regionda gərginliyin artmasına səbəb olub və tərəflər arasında nüvə sınaqları və hərbi əməliyyatlarla bağlı narahatlıqlar daha da çoxalıb. İran bu iddialara rədd cavabı versə də, məsələ beynəlxalq diqqəti üzərinə çəkib.
Musavat.com
