Breaking Defense: Anduril, USMC üçün hazırlanmış Bolt dronunu təqdim edib...
“Anduril Industries” şirkəti kəşfiyyat missiyalarını yerinə yetirə və zərbələr endirə biləcək “Bolt” kvadrokopterini təqdim edib.
Poliqon xəbər verir ki, bu barədə “Breaking Defence” məlumat yayıb. Dron ABŞ Dəniz Piyadaları Korpusu (MCC) üçün hazırlanıb.
Konfiqurasiyasından asılı olaraq çəkisi 5,5-6,8 kiloqram olan pilotsuz təyyarə əllə buraxıla bilir. Bolt 20 kilometr uçuş məsafəsinə və 40 dəqiqədən çox enerji saxlaya bilən batareyaya malikdir. Qurğunun əsas versiyası müşahidə aparmağa imkan verir. Həmçinin “Bolt-M” 1,3 kiloqram ağırlığında döyüş başlığı ilə hədəfləri vurmaq üçün nəzərdə tutulub.
Anduril müştərilərin cihazı artıq sınaqdan keçirdiklərini vurğulayıb.
Poliqon.info
