26-27 oktyabr 2024-cü il tarixlərində Rusiyanın Oryol şəhərində karate üzrə"Karat cup" beynəlxalq turnir keçirilib.
Modern.az xəbər verir ki, beynəlxalq turnirdə ölkəmizi Azərbaycan Karate Federasiyasının "Jaguar İdman Klubu"nun yeniyetmə karateçiləri təmsil edib.
"Jaguar İdman Klubu"nun rəhbəri və baş məşqçisi Rüstəm Əkbərovun rəhbərliyi altında çıxış edən karateçilərimizdən Şamo Kamilov +70 kq çəki dərəcəsində gümüş medala, Murad Dinç -70 kq, Bəhman Orucov -57 kq və Sultan Səlimov -52 kq çəki dərəcəsində şəxsi kumite yarışlarında bürünc medallara layiq görülüblər.
Komanda kumite yarışlarında Şamo Kamilov, Murad Dinç, Bəhman Orucov və Sultan Səlimov bütün rəqiblərini qabaqlayaraq qızıl medallara sahib olub.
Qeyd edək ki, beynəlxalq turnirdə 5 ölkədən (Rusiya, Azərbaycan, Belarusiya, Qazaxstan və Ermənistan) 500-ə yaxın karateçi mübarizə aparıb.
