İspaniya Daxili İşlər Nazirliyi İsrailin “Guardian LTD” şirkəti ilə təxminən 6,5 milyon avro dəyərində sursat alınması ilə bağlı müqaviləni ləğv edib.
Publika.az xəbər verir ki, nazirlik “Guardia Civil” hüquq-mühafizə orqanı üçün İsrail şirkətindən 6,5 milyon avroya 15 milyondan çox 9 mm güllə alınmasını ehtiva edən müqaviləni ləğv etdiyini açıqlayıb.
Açıqlamada bildirilib ki, İspan hökuməti Qəzza ərazisində silahlı qarşıdurma başlayandan bəri İsrail dövlətinə silah satmamaq öhdəliyini saxlayır: “Bu işdə sursat alışı olsa da, Daxili İşlər Nazirliyi alışın ləğvi ilə bağlı inzibati prosedur başlayıb”.
İspaniya Daxili İşlər Nazirliyi də qeyd edib ki, İsrail şirkətləri də gözlənilən tenderlərdən kənarda qalacaq.
