2024-cü ilin üçüncü rübündə ABŞ-də 2,8 faizlik iqtisadi artım qeydə alınıb. Musavat.com xəbər verir ki, bu haqda məlumatı ölkənin Ticarət Nazirliyi yayıb.
Trading Economics analitikləri orta hesabla 3 faiz artım proqnozlaşdırmışdılar.
İkinci rübdə ABŞ ÜDM-i illik nisbətdə 3 faiz artmışdı.
ABŞ iqtisadiyyatının üçdə ikisini təşkil edən istehlak xərcləri iyul-sentyabr aylarında 3,7 faiz artıb (əvvəlki rübdə +2,8 faiz). O cümlədən, mallara xərclər 6 faiz, xidmətlərə 2,6 faiz artıb.
Üçüncü rübdə əsas kapitala investisiyaların artımı ikinci rübdəki 2,3 faizdən 1,3 faizə qədər azalıb, o cümlədən yaşayış əmlakına investisiyalar 5,1 faiz (ikinci rübdə -2,8 faiz) azalıb.
İxracın artım tempi 1 faizdən 8,9 faizə, idxalın artım tempi 7,6 faizdən 11,2 faizə yüksəlib.
Üçüncü rübdə PCE istehlak qiymətləri indeksi əvvəlki üç ayla müqayisədə 1,5 faiz artaraq 2020-ci ilin ikinci rübündən bəri ən aşağı göstərici olub. İkinci rübdə bu göstərici 2,5 faiz artmışdı.
Federal Ehtiyat Sisteminin inflyasiya risklərini qiymətləndirərkən yaxından izlədiyi PCE Core indeksi (ərzaq və enerji xərcləri istisna olmaqla istehlak qiymətlərindəki dəyişikliklər) iyul-sentyabr aylarında 2,2 faiz (əvvəlki rübdə 2,8 faiz) artıb. Bununla belə, analitiklərin konsensus proqnozunu - 2,1 faizi üstələyib.
Musavat.com
