"Oğlan nişanlısına deyir ki, maaş kartını anama ver"

"Qızlar qayınana ilə evlənirsə, toyxanada gəlinlə yanyana qayınana otursun. Niyə bəy oturur? Əgər qız qayınanaya baxmağa gedirsə...".

Referans.az xəbər verir ki, bu sözləri aparıcı Aytən Səfərova verilişində deyib.

O, qayınana-gəlin münasibətlərindən danışıb:

"Evdə ağsaqqala, ağbirçəyə hörmət etmək lazımdır. Amma bu qarşılıqlı olmalıdır, onlardan hörmət görmək lazımdır. Bu yaxınlarda bir tanıdığımdan eşitdim ki, qızla oğlan yeni nişanlanıb. Oğlan deyib ki, maaş kartını verəcəksən anama. Qız deyib ki, ata-anam məni oxudub, əziyyətimi çəkib, ali təhsilə yönəlmişəm, işlə təmin olmağımı valideynlər edib, indi aparıb kartımı qayınanama verəcəyəm? Deyirlər, telefon qızları korlayıb. Yox, telefon qızları korlamır, siz çox şey tələb edəndə, onlara cavab vermək lazımdır".