Rusiya qoşunları Ukraynada daha iki yaşayış məntəqəsini ələ keçirblər.
Senzor.az yerli KİV-ə istinadən bildirir ki, Donetsk vilayətində Kuraxovka, Xarkov vilayətində isə Perşotravnevoye şəhərlərinə artıq ruslar nəzarət edirlər.
Məlumatı Rusiya Müdafiə Nazirliyi təsdiqləyib.
Kuraxovka kəndi Donetskdən 46 km, Pokrovskdan 30 km, Perşotravnevoe kəndi isə Kupyanskdan təxminən 40 km məsafədə yerləşir.
Kuraxovka "Mərkəz" qoşun qruplarının hissələri, Perşotravnevoe isə "Qərb" qoşunları tərəfindən ələ keçirilib.
Müdafiə Nazirliyinin məlumatına görə, rus qoşunları Xarkov və Luqansk vilayətlərində Ukraynaya məxsus 5 briqadanı da darmadağın edib.
Bildirilib ki, son 24 saat ərzində Rusiya qoşunları Ukrayna Silahlı Qüvvələrinin istifadə etdiyi infrastruktur obyektlərinə hücumlar həyata keçirib. Bunlara enerji obyektləri, aerodrom infrastrukturu, yanacaq anbarı və pilotsuz təyyarələrin istehsalı emalatxanası daxildir.
