Azərbaycanın bodibildinq komandası Santa-Susannada (İspaniya) keçirilən Dünya kubokunda qələbə hesabını açıb.
İdman.biz xəbər verir ki, Elnur Allahyarov qızıl medal qazanıb. Bu, idmançımızın belə səviyyədə ilk böyük uğurudur.
Beləliklə, komandanın artıq 4 medalı var. Kamil Əliyev ("Men's physique") gümüş, Vüqar Verdiyev (bodibildinq) və Seymur Əliyev (klassik bodibildinq) bürünc medal qazanıblar.
Qeyd edək ki, Santa-Susannadakı yarış dünya bodibildinqinin bir çox ulduzlarını bir araya gətirib.
