İqlim konfransı günlərində tətbiq olunacaq nəqliyyat planının təqdimatına dair brifinqdə COP29 Nəqliyyat Departamentinin rəhbəri Orxan Mahmudlu sessiya iştirakçılarını gedəcəkləri ünvana çatdırmaq üçün 16 nəqliyyat qovşağının yaradıldığını deyib.
O. Mahmudlu bildirib ki, qovşaqlar hotellərin və iştirakçıların yerləşdirildiyi yaşayış komplekslərin olduğu sahələrdə fəaliyyət göstərəcək. Bu, əsasən Bakı və Abşeronu əhatə edəcək. Qovşaqlar vasitəsilə hava limanına və konfransın keçirildiyi məkana daşımalar da həyata keçiriləcək.
