ABŞ-ın Miçiqan ştatında baş verən zəncirvari yol qəzası nəticəsində azı 4 nəfər ölüb, 17 nəfər yaralanıb.
“Report”un məlumatına görə, bu barədə yerli polisə istinadən ABC News məlumat yayıb.
Qeyd olunub ki, noyabrın 2-də yük maşını magistral yolda elektrik xətləri çəkildikdən sonra yolun açılmasını gözləyən bir neçə avtomobilə çırpılıb. Toqquşmadan sonra avtomobillər alovlanıb.
Ağır xəsarət alan yaralılar xəstəxanalara yerləşdiriliblər.
Faktla bağlı araşdırma aparılır.
