“Atalanta”nın baş məşqçisi Can Pyero Qasperini İtaliya A Seriyasının 11-ci turunda “Napoli” üzərində səfər qələbəsini şərh edib.
Arena.az məlumat verir ki, “İlahə” turun mərkəzi görüşü çərçivəsində Neapolda A Seriyasının lideri “Napoli”yə 3 cavabsız qol vuraraq, öz qarşısında diz çökdürüb.
“Biz güclü olduğumuzu bilirik və bunu inkar etməyəcəyik. Açığı, belə oyunlar özümüzün bir sınağıdır. Çempionatın lideri ilə üz-üzə gəldik, əla oyun nümayiş etdirdik. Əlbəttə, komandamız ötən mövsümlə müqayisədə inkişaf edib. Avropa Liqasını qazanmağımız özünəinam nöqteyi-nəzərindən çox şey verdi. Ayrı-ayrılıqda ehtiyat oyunçular skamyasından meydana daxil olmuş oyunçuları da qeyd etmək istərdim. Onlar bizi çox gücləndirirlər”, – Qasperini matçdan sonra jurnalistlərə açıqlamasında bildirib.
11 turdan sonra “Napoli” A Seriyasının yarış cədvəlində 25 xalla öz mövqeyini qoruya bilsə də, digər təqibçiləri “eşşəkciklər”i haqlamaq üzrədirlər. “Atalanta” möhtəşəm qələbə sayəsində 22 xalla 3-cü pilləyə yüksəlib və liderliyə iddiasını sürdürür.
