"Mançester Yunayted"in sabiq yarımmüdafiəçisi, hazırda futbol eksperti qismində fəaliyyət göstərən Roy Kin "qırmızı şeytanlar"ın cari mövsüm sərgilədiyi oyundan danışıb.
Fanat.Az xəbər verir ki, onun sözlərini "Sky Sports" belə çatdırıb:
"Bu "Mançester Yunayted" bildiyiniz ortababdır. Bütün statistik göstəricilər söylədiyimi təsdiqləyir. Gah uğur qazanırlar, gah fiaskoya uğrayırlar. Komandanın növbəti oyunda necə görünəcəyini başa düşmək olmur. Bu, yaxşı hal deyil".
Mançester təmsilçisini oyunlara baş məşqçinin funksiyalarını müvəqqəti olaraq yerinə yetirən Rud van Nistelroy çıxarır. Oktyabrın 28-də istefaya göndərilən Erik ten Haqın postuna gətirilən portuqaliyalı mütəxəssis Ruben Amorim noyabrın 11-dən işə başlayacaq.
Qey edək ki, 10 oyuna 12 xal toplayan MY hazırda İPL-in turnir cədvəlində 13-cü pillədədir.
Nihat
