Gürcüstanın paytaxtı Tbilisidə parlament seçkilərinin nəticələrini tanımayan gürcü müxalifəti mitinqə hazırlaşlır. Müxalifət tərəfdarları "Vağzal meydanı" metro stansiyasının yaxınlığında toplaşıblar.
Senzor.az bildirir ki, bu barədə Gürcüstan mediası yazıb.
Qeyd olunur ki, buradan Rustaveli prospektindəki parlament binasına doğru yürüş edən etirazçılar Ağmaşenebeli prospekti ilə gəzərək Avropa Birliyinin himnini oxuyur və yoldan keçənləri onlara qoşulmağa çağırırlar.
Bu arada məlum olub ki, Gürcüstanın Daxili İşlər Nazirliyi müxalifətin mitinqi ilə əlaqədar parlament binasının mühafizəsini gücləndirib.
Binanın həyətinə avtobus və digər nəqliyyat vasitələri ilə çox sayda polis qüvvələri gətirilib. Bundan başqa, media nümayəndələrindən parlament binasını tərk etmələri tələb olunub.
Xatırladaq ki, bu gün saat 19:00-da patlament binası qarşısında müxalifətin aksiyası keçiriləcək. Müxalifət üzvləri mitinqdə 26 oktyabr parlament seçkilərinin nəticələrinə etiraz edəcəklər.
Senzor.az
