Sabirabadda baş verən yol-nəqliyyat hadisəsi zamanı ata və oğlu xəsarət alıb.
Avtosfer.az-ın “Report”a istinadən məlumatına görə, hadisə Sabirabad şəhərində, Dövlət İqtisad Kollecinin yaxınlığında qeydə alınıb.
Belə ki, “VAZ-2107” markalı avtomobil motosikletlə toqquşub.
Qəza nəticəsində Sabirabad şəhər sakinləri: 1983-cü il təvəllüdlü Həsənov Zamin Nuhu oğlu və oğlu, 2011-ci il təvəllüdlü Həsənli Nuhu Zamin oğlu müxtəlif dərəcəli xəsarətlər alıblar.
Yaralılar Sabirabad Rayon Mərkəzi Xəstəxanasına yerləşdirilib.
Faktla bağlı araşdırma aparılır.
