Özbəkistan məhkəməsi ölkə vətəndaşını Rusiya ordusunun tərkibində Ukraynada hərbi əməliyyatlarda iştirak etdiyinə görə 5 il müddətinə azadlıqdan məhrum edib.
Yenicag.az xəbər verir ki, bu barədə “RİA Novosti” məlumat yayıb.
Məlumata görə, 51 yaşlı Özbəkistan vətəndaşı 2023-cü ilin mayında Rusiyaya işləməyə gedib. Daha sonra həmin ilin noyabrında Rusiya Müdafiə Nazirliyi ilə müqavilə bağlayaraq, rus ordusunun tərkibində Ukraynadakı hərbi əməliyyatlara qatılıb və yaralanıb. Rusiyada müalicə aldıqdan sonra bu ilin iyulunda ölkəsinə qayıdıb.
