Çin yeni J-35A gizli qırıcısını təqdim edəcək. Çin Xalq Azadlıq Ordusunun (ÇXAO) Hərbi Hava Qüvvələrinin avadanlıq şöbəsinin nümayəndəsi polkovnik Nyu Venbo bildirib ki, yeni məhsul “Airshow China 2024” beynəlxalq aerokosmik sərgisində nümayiş etdiriləcək, onun sözlərini “Jenmin jibao” nəşri sitat gətirir.
Sərgi Çjuhayda açılacaq. Avadanlığa gələn həftə - noyabrın 12-dən 17-dək baxmaq olar.
"Çin Hərbi Hava Qüvvələri indi eyni vaxtda iki gizli qırıcıya - J-20 və J-35A-ya sahib olacaq", - hərbi ekspert Li Li qeyd edib.
O əlavə edib ki, Çin dünyada iki gizli qırıcıya sahib olan ikinci ölkə olacaq. ABŞ Hərbi Hava Qüvvələri eyni arsenala malikdir - F-22 və F-35.
Sərgidə ilk dəfə olaraq “Xun-19” raket sistemi də nümayiş olunacaq. Tamaşaçılar çoxfunksiyalı hücum və kəşfiyyat pilotsuz təyyarəsini görəcək və Y-20 təyyarəsinin yük bölməsinə baxacaqlar.
Almaz Həsənli
