“Latviya, Litva və Estoniya Avropa İttifaqının (Aİ) və NATO-nun Rusiya ilə əməkdaşlığa yönəlmiş qərarlara daim mane olan əsas liderləridir”.
“Qafqazinfo” “Lenta.ru”ya istinadən xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova Soçidə Valday klubunun 21-ci illik toplantısı zamanı deyib.
“Bu üçlük həm Aİ, həm də NATO daxilində daim mövcud olub. Təəssüf ki, buna vaxtaşırı Polşa da rəhbərlik edirdi, lakin aparıcı səslər Baltikyanı ölkələrdə idi ki, bu da ölkəmizlə əməkdaşlığa yönəlmiş qərarları əngəlləyir”.
Onun sözlərinə görə, Baltikyanı ölkələr davamlı olaraq Aİ ölkələrinə Avropa gündəmini deyil, Londonun iradəsini irəli sürüblər.
