Ekologiya və Təbii Sərvətlər Nazirliyinin təşkilatçılığı və "Bravo" supermarketlər şəbəkəsinin dəstəyi ilə “Tullantıları tinglərə dəyiş” aksiyası 1 noyabr tarixində 20 Yanvar m/s yaxınlığında yerləşən “Bravo” hipermarketin qarşısında keçirilib.
Ekologiya.az bildirir ki, aksiya zamanı vətəndaşlar ümumi tutumu 830 litr olan plastik, 148 litr olan şüşə butulka/banka və 355 ədəd işlənmiş batareya təhvil verərək əvəzində həmişəyaşıl və meyvə tingləri əldə ediblər.
Aksiyada fəal iştirak edərək təbiətə töhfə verən, tullantıların təkrar emalına, yaşıllıqların artırılmasına dəstək olan hər kəsə təşəkkür edirik.
Qeyd edək ki, növbəti “Tullantıları tinglərə dəyiş” aksiyası 7 noyabr tarixində saat 14:00-da “Bravo” Əhmədli hipermarketin qarşısında keçiriləcək.
