Ürək böhranı zamanı sinə ağrısı infarkt keçirmiş insanların əksəriyyətinin yaşadığı bir vəziyyətdir. Ancaq bu vəziyyətə əlavə olaraq, mədə yanması və narahatlıq hissi kimi simptomlar da meydana gələ bilər. Bu əlamətlər çox vaxt infarktın daha tipik əlamətləri arasında olmadığı üçün çoxları tərəfindən diqqətdən kənarda qalır.
Ürək yanması bir çox insanın tez-tez yaşadığı bir narahatlıq olduğundan, onu infarkt əlamətləri ilə qarışdırmaq mümkündür.
Turkustan.az xəbər verir ki, “Circulation” jurnalında dərc edilən araşdırma, qadınların infarktdan bir ay əvvəl tez-tez həzm pozğunluğundan danışdıqlarını üzə çıxarıb. Tədqiqatın qadın iştirakçılarının təxminən 39%-i infarktdan əvvəl həzmsizlik hiss etdiyini bildirib.
Həzmsizlikdən başqa, araşdırmalar göstərib ki, qadınların 85-90 faizində infarktdan əvvəl birdən çox simptom var.
Qadınlarda infarktın əlamətləri bunlardır:
Qeyri-adi yorğunluq (71%).
Yuxu pozğunluğu (48%).
Nəfəs darlığı (42%).
Həzmsizlik (39%).
Narahatlıq (36%).
Nəfəs darlığı (58%).
Zəiflik (55%).
Qeyri-adi yorğunluq (43%).
Soyuq tər (39 faiz).
Başgicəllənmə (39%).
Britaniya Ürək Fondu (BHF) qadınların kişilərə nisbətən ürək problemləri ilə səhv diaqnoz qoyulma ehtimalının 50 faiz daha çox olduğunu bildirir və infarkt riskini azaltmağın yollarını izah edir:
Aktiv qalmaq: Enerji, yuxu və həyat keyfiyyətini yaxşılaşdırdığı sübut edilmişdir
Sağlam çəki və pəhriz saxlamaq: Bu, ümumi sağlamlığınıza kömək edəcək və ürəyinizdə əlavə gərginliyin qarşısını alacaq.
Alkoqol və siqaret istehlakınızı məhdudlaşdırın: Siqaret və digər tütün məmulatlarını dayandırmaq infarkt riskini minimuma endirəcək.
Eltac Zülfüqaroğlu/Turkustan.az
