"Mançester Yunayted"in sabiq müdafiəçisi Patris Evra "Mançester Siti"nin baş məşqçisi Xosep Qvardiolanın futbolu "öldürdüyünü" deyib.
Fanat.Az xəbər verir ki, "Give me Sport" fransalı veteranın sözlərini belə çatdırıb:
"Qvardiolanı dünyanın ən yaxşı məşqçilərindən biri sayıram və o, futbolu "öldürüb"... Hamı komandasını Qvardiola kimi oynatmaq istəyir. Bu, tiki-takadır və yalnız Qvardiolada əla alınır. Niyə hamı onu yamsılayır? Daha kreativlik yoxdur. Artıq dahiyanə ideyalara rast gəlmirik. Siz daha heç vaxt Ronaldinyo və ya Eden Hazar kimi oyunçular görməyəcəksiniz. Çünki məşqçi futbolçuya deyir: "Ötürmə etməsən, səni ehtiyat oyunçular skamyasında əyləşdirəcəm".
Nihat
