Azərbaycan Yazıçılar Birliyinin "Natəvan" klubunda yazıçı və şair Günel Anarqızının "Sərhədsiz Səma" adlı kitabının təqdimat mərasimi keçirildi. Tədbirdə tanınmış ədəbiyyat xadimləri, yazarlar və ədəbiyyatsevərlər iştirak etdilər.
QHT.az xəbər verir ki, mərasimdə çıxış edən natiqlər "Sərhədsiz Səma" kitabının Azərbaycan ədəbiyyatına töhfə verəcəyini vurğuladılar. Kitabda müəllifin sərhədsiz düşüncələrə və insan duyğularına toxunan əsərləri yer alıb. Yazıçının özünəməxsus üslubu və mövzuya yanaşması haqqında danışan çıxışçılar Günel Anarqızının ədəbi yaradıcılığının geniş oxucu auditoriyasına xitab etdiyini qeyd etdilər.
Günel Anarqızı tədbirdə iştirak edən hər kəsə təşəkkür edərək, "Sərhədsiz Səma" kitabının yaranma prosesi və onu ilhamlandıran səbəblər barədə danışdı. Səmimi bir atmosferdə keçən təqdimat mərasimi maraqlı müzakirələrlə davam etdi.
