Donald Tramp andiçmə mərasimindən əvvəl Ukraynada müharibəyə son qoymaq üçün “sülh planı” hazırlamağa başlaya bilər və onun ilk mərhələsi Rusiya prezidenti Vladimir Putinlə açıq olmayan danışıqlar apara bilər.
Bu barədə “Atlantic Council”in analitiki Piter Dikinson bildirib.
“Biz gözləyə bilərik ki, Trampın “sülh planı”nı həyata keçirmək üçün ilk addımı Putinlə danışıqlar üçün zəmin yaratmağa çalışmaq olacaq”, - o deyib.
Analitikin sözlərinə görə, belə danışıqların nəticəsi Ukraynaya təqdim olunacaq saziş layihəsi ola bilər. Kiyev bu şərtlərlə razılaşmaya da bilər, amma ikinci halda ABŞ Ukraynaya dəstəyi dayandıra bilər.
Digər tərəfdən, o qeyd edir ki, Trampın Rusiya ilə yaxşı danışıqlara zəmin yaratmaq üçün Ukraynanın mövqeyini açıq şəkildə gücləndirməyə çalışacağı daha müsbət ssenari var.
Təhlilçi əlavə edir ki, Tramp Kiyevin güclü mövqedən çıxış etməsində maraqlı olsa, bu baş verəcək.
Trampın “sülh planı”
WSJ öz mənbələrinə istinadən yazıb ki, variantlardan biri Ukraynanın 20 il müddətinə NATO üzvlüyündən imtina etməsi və cəbhə xəttini dondurmasıdır. Bunun müqabilində ABŞ Rusiyanın mümkün ikinci hücumuna qarşı çıxmaq üçün Ukraynanı kifayət qədər silahla təmin etməyə davam edəcək.
“The Times” isə yazıb ki, Donald Trampın ABŞ seçkilərindəki qələbəsindən sonra Ukrayna işğal olunmuş ərazilərindən imtina etməyə və Moskva ilə danışıqlara getməyə məcbur ola bilər. Eyni zamanda, ABŞ-ın bu dəstəkdən əl çəkəcəyi təqdirdə Avropanın Kiyevi təkbaşına silahlandırmağa hazır olduğuna dair hələ çox az işarə var./Lent.az
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
