Almaniyanın avtomobil istehsalçısı Volkswagen-in ABŞ-dakı 114 min 478 avtomobilini hava yastığında yaranan problemə görə geri çağıracağı bildirilir.
Marja xəbər verir ki, ABŞ Milli Avtomobil Yolları Təhlükəsizliyi İdarəsindən (NHTSA) verilən açıqlamada, sözügedən qərarın 2017-2019 model Beetle, Beetle Convertible, 2012-2014 Passat, 2017 Passat Wagon və 2006-2007 Passat Sedan avtomobillərini əhatə etdiyi bildirilib.
Açıqlamada Volkswagen-in cəmi 114 min 478 avtomobili geri çağıracağı açıqlanıb.
Açıqlamada, sözügedən avtomobillərdə hava yastığında problemin olduğu qeyd edilib. Belə ki, sürücünün yan ön hava yastığı şişiricisi uzun müddət yüksək mütləq rütubətə və yüksək temperatura məruz qaldıqda partlaya bilər.
Vurğulanıb ki, şişiricinin partlaması nəticəsində kəskin metal parçaları sürücüyə və ya digər sərnişinlərə dəyə, ciddi xəsarət və ya ölümlə nəticələnə bilər.
