ABŞ-ın Cənubi Karolina ştatında tədqiqat müəssisəsindən 43 meymun qaçıb.
“İki sahil” xəbər verir ki, hadisə gözətçinin meymunların qəfəsinin qapısını açıq qoyması nəticəsində baş verib.
Məlumata görə, meymunlar, tibbi testlər və araşdırmalar üçün primatlar yetişdirən “Alpha Genesis” adlı şirkətdən qaçıb və Cənubi Karolinada sərbəst qalıblar.
Səlahiyyətlilər sakinlərdən qapı və pəncərələri möhkəm bağlı saxlamağı və meymunları görəndə dərhal xəbər vermələrini istəyiblər. Qaçan meymunlar təxminən 3,2 kq ağırlığında gənc və dişi olaraq təsvir edilib.
Məhərrəm Ağalaroğlu, “İki sahil”
