05 noyabr 2024-cü il tarixdə Quba Olimpiya İdman Kompleksində Azərbaycan Respublikası Gənclər Fondunun maliyyə dəstəyi, Quba-Xaçmaz Regional Gənclər və İdman İdarəsinin və “Yeni Gələcək” Gənclərin Maarifləndirilməsi İctimai Birliyinin birgə təşkilatçılığı ilə keçiriləcək “Yarpaq: Gənc Ekoloqların 1-ci Yay Liderlik Düşərgəsi” layihəsinin növbəti günü keçirilib.
Quba-Xaçmaz Regional Gənclər və İdman İdarəsinin Gənclərlə iş sektorunun baş məsləhətçisi Elsevər Bayramlı, “Yeni Gələcək” Gənclərin Maarifləndirilməsi İctimai Birliyinin sədri Elnur Əlizadə, baş katibi Nurlan Əliyev, GKİM-in Xaçmaz nümayəndəliyinin rəhbəri Ceyhun Fərzəliyev və 50 nəfər gənc iştirak etmişdir.
Layihənin məqsədi Azərbaycan Respublikasının Prezidenti cənab İlham Əliyevin 2024-cü ilin “Yaşıl dünya naminə həmrəylik ili” elan olunması ilə bağlı 25 dekabr 2023-cü il tarixli Sərəncamından irəli gələn vəzifələrin icrasının təmin olunması, yeniyetmə və gənclərin ətraf mühitə qarşı davranış hissinin formalaşması, gənclər arasında ekologiya sahəsində mühafizəkarlığın artırılması, gənclərin bu sahəyə olan maraqlarının daha da artırılması, həmçinin gələcəkdə lider ekoloqların yetişməsi, onların ekologiya sahəsində olan ideya və düşüncələrinin dəstəklənməsinə yönəlmişdir.
Düşərgə çərçivəsində “Təbiətə sevgi vətənə sevgi deməkdir!” mövzusunda maarifləndirici təlim keçirilib. Gənclər müxtəlif oyunlarda iştirak ediblər, səmərəli, əyləncəli asudə vaxt keçiriblər. Eyni zamanda layihə çərçivəsində Qəçreş kəndində ekoloji aksiya təşkil olunub. Aksiya zamanı meşə ərazisi tullantılardan təmizlənib.
